Langstraat

Gister was jy my vriend gewees, toe moes ek in ʼn dagblad lees
Jy’t my skoonfamilie sleggesê en jy wil al my spaargeld ook nog hê
Jou vierde vrou het jou sopas verlaat jy wil nou nooit weer oor haar praat
Dik gerook van die goedkoop zol sit en stuur jy e-posse die wêreld vol

 O moenie huil nie o moenie ween nie
 O moenie dink jy is die enigste een nie
 Jy was nooit rêrig alleen nie
 Jy was nog nooit in Langstraat as dit reën nie
 As dit reën nie

Jy dink mos jy’t vreeslik seer gekry jy glo jy’s al ou wat so ly
Maar ek het nuus vir jou vanaand ou maat die hele wêreld suffer in ʼn doodloopstraat
Daar is orals moord en oorlog in die nag daar is commuters wat vir treine wag
Ken jy die hongersnood in Bangladesj weet jy van mense wat in karre crash

Jy’t my een keer te veel teleurgestel ek sal nooit weer jou plaaslyn bel
Die kampvuur lê vol koue as daar’s dooie kole waar ons vriendskap was

Die lig is nie net 1 soort blou nie die heelal draai nie net om jou nie
More is weer nog ʼn dag jy het verniet gedink
Jy gaan laaste lag

Musiek: Koos Kombuis
Liriek: Koos Kombuis
Uitgewer: Shifty Records

BACK